Վաղը Տոկիոյում ազդարարվելու է 32-րդ ամառային Օլիմպիական խաղերի ավարտը:
Հայաստանի հավաքականի դրոշակակիր փակման արարողության ժամանակ լինելու է խաղերի բրոնզե մեդալակիր, բռնցքամարտիկ Հովհաննես Բաչկովը: Նրա պարգեւատրման արարողությունը Տոկիոյում կայանալու է վաղը:
Բաչկովը միակ հայ մեդալակիրն է, որը դեռ Տոկիոյում է, համավարակային կանոնների պատճառով մյուսներն ավելի վաղ են մեկնել Երեւան:
Օլիմպիական խաղերում Հայաստանը 4 մեդալ է նվաճել: Արծաթ են ապահովել Սիմոն Մարտիրոսյանն ու Արթուր Ալեքսանյանը, իսկ բրոնզ՝ Բաչկովն ու Արթուր Դավթյանը:
Փակման արարողությունը մեկնարկելու է Երեւանի ժամանակով 15:00-ին Տոկիոյի Օլիմպիական ստադիոնում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: