Մալխաս Ամոյանը հաղթեց թուրք մրցակցին եւ դուրս եկավ ԱԱ-ի կիսաեզրափակիչ

Մալխաս Ամոյանը Զագրեբում այսօր մեկնարկած հունահռոմեական ոճի ըմբշամարտի Աշխարհի առաջնությունում դուրս է եկել կիսաեզրափակիչ։

Նա քառորդ եզրափակչում հանդիպել է թուրք Ահմետ Յիլմազին եւ իրեն հատուկ գեղեցիկ ոճով առավելության հասել 3:1 հաշվով։

Մինչ կիսաեզրափակիչ հասնելը Աշխարհի ու Եվրոպայի չեմպիոնը մեկնարկել է 1/16 եզրափակչում եւ 3 հաղթանակ տարել։ Նա ուժեղ է եղել նաեւ ամերիկացի Քամալ Ամիր Բեյից (2:1) եւ լեհ Մատեուշ Բերնատեկից (10:0)։

Այսօր պայքարի դուրս եկած Մանվել Խաչատրյանը (55 կգ) եւ Սամվել Գրիգորյանը (82 կգ) զիջել են մեկնարկում, իսկ Ռազմիկ Քուրդյանն (130 կգ) ադրբեջանցի Բեկա Կանդելակին հաղթելուց հետո հաջորդ գոտեմարտում զիջել է։