Արման Անդրեասյանն ԱԱ-ում պայքարելու է բրոնզե մեդալի համար

Բելգրադում ընթացող վարկանշային Աշխարհի առաջնությունում Արման Անդրեասյանն այսօր (70 կգ) պայքարելու է բրոնզե մեդալի համար։ Նրա մրցակցի անունը հայտնի կդառնա սփոփիչ գոտեմարտից հետո։

Աշխարհի առաջնությունում ելույթներն են սկսելու եւս երեք ազատ ոճայիններ։ Արսեն Հարությունյանն (57 կգ) որակավորման փուլում հանդիպելու է ուկրաինացի Կամիլ Կերիմովի հետ, Հրայր Ալիխանյանը (74 կգ) նույն փուլում մրցելու է Մոնտերո Չիրինոսի հետ։ 

Արման Ավագյանը (79 կգ) պայքարի մեջ է մտնելու 1/8 եզրափակչից, նրա մրցակցի անունը դեռ հայտնի չէ։

Հարությունյանն ու Ալիխանյանը մեդալներից բացի փորձելու են նաեւ նվաճել Օլիմպիական խաղերի ուղեգրեր։