Մանվել Խնձրցյանի բրոնզե մեդալը երիտասարդական ԱԱ-ում

Երեկ Հայաստանն առաջին մեդալն է նվաճել Ուֆայում շարունակվող ազատ ոճի ըմբշամարտի Աշխարհի երիտասարդական առաջնությունում:

Մինչեւ 57 կգ քաշային կարգում բրոնզե մեդալակիր է դարձել Մանվել Խնձրցյանը: Նա 3-րդ տեղի համար գոտեմարտում 6:2 հաշվով ուժեղ է եղել Աբդումալիկ Բագավուդինովից (Ղրղզստան):




Եզրափակիչ է հասել Լյովա Գեւորգյանը (125 կգ) եւ ոսկու համար մրցելու է իրանցի Ալի Մոհամադեբրահիմի հետ: Կիսաեզրափակչում նա 10:0 հաշվով ջախջախել է ադրբեջանցի Այդին Ահմադովին:





Լեւիկ Միքայելյանը (61 կգ), Արմեն Մուսիկյանը (74 կգ) եւ Սերգեյ Սարգսյանն (92 կգ) այսօր գոտեմարտելու են 3-րդ տեղի համար: