Էդգար Խաչատրյանն ԱԱ-ում բրոնզե մեդալ է նվաճել

Բրազիլիայում ավարտված հունահռոմեական ըմբշամարտի երիտասարդների Աշխարհի առաջնությունում Հայաստանի հավաքականին հաջողվել է նվաճել մեկ մեդալ:

Պատվոհարթակի 3-րդ աստիճանին է կանգնել գերծանր քաշային Էդգար Խաչատրյանը: Նա բրոնզե մեդալի համար պայքարում 12:3 հաշվով ուժեղ է եղել Մեհար Սինգից (Հնդկաստան):

Բրոնզե մեդալի համար գոտեմարտել է նաեւ Սլավիկ Գալստյանը (55 կգ), սակայն զիջել է ուզբեկ Իսլոմջոն Բախրամովին:

Օգոստոսի 15-ից էլ պայքարի մեջ են մտնելու ազատ ոճայինները: ԱԱ-ում ելույթ կունենան Ռազմիկ Միսակյանը (50 կգ), Նարեկ Հովհաննիսյանը (55 կգ), Գագիկ Ակուլյանը (60 կգ), Գեւորգ Մխեյանը (66 կգ), Սուրեն Խաչատրյանը (74 կգ) եւ Սարգիս Հովսեփյանը (84 կգ):