Ծանրորդ Անդրանիկ Կարապետյանն արդեն օլիմպիական ավանում է ու իրեն լավ է զգում:
Mediamax Sport-ի հետ զրույցում նա ասել է, որ երեկ հրում վարժության 2-րդ մոտեցման ժամանակ արմունկն է դուրս ընկել:
«Արդեն ամեն ինչ նորմալ է: Ուղղակի ցավալի է, որ այդքան մարզվել ու պատրաստվել եմ խաղերին, ու մեկ մոտեցմամբ ամեն ինչ փչացավ: Բայց ես չեմ հուսահատվում, ամեն ինչ առջեւում է»,- խոստովանել է ծանրորդը:
Նա շնորհակալություն է հայտնել բոլորին, ովքեր անհանգստացել են իր համար ու Ռիոյից բարեւներ է ուղարկում նրանց:
Կարապետյանի անձնական մարզիչ Վիգեն Խաչատրյանն էլ ասաց հետեւյալը. «Արդեն մեկ ամսից Անդրանիկը նորից սկսելու է մարզվել: Ամեն ինչ լավ է լինելու»:
Նախագծի գործընկեր 
