Ռաֆայել Նադալի թենիսից հեռանալու փաստը շարունակում է մնալ առաջատար լրատվամիջոցների ուշադրության կենտրոնում։
Մեր «Ֆոտոպատմություններ»-ում ներկայացնում ենք The Guardian-ում լույս տեսած լուսանկարները։
12-ամյա Նադալն է 1999-ին։ Այդ տարիքում նա արդեն հանդես էր գալիս մինչեւ 14 տարեկանների Եվրոպայի պատանիների մրցաշարում։
Լուսանկարը` Herbaut Guillaume
Նադալը միշտ էլ եղել է «Ռեալ»-ի երկրպագու։ 2003-ին, երբ նա մասնակցում էր Մադրիդի Մասթերսին, ստորագրություն խնդրեց արդեն հայտնի Ռաուլից։
Լուսանկարը` Mike Hewitt
2003-ի Մոնտե Կարլոյի մրցաշարն է։ Այդ տարի նա առաջին անգամ նվաճեց ATP տիտղոս ու լավագույն թենիսիստների աղյուսակում մտավ լավագույն 50-ի մեջ։
Լուսանկարը` Clive Brunskill
Աշխարհի 2-րդ ռակետ Էնդի Ռոդիկին Դեւիսի գավաթում հաղթելուց հետո Ռաֆան տոնում է հաջողությունը։ Այդ ժամանակ նա ընդամենը 18 տարեկան էր։
Լուսանկարը` Cristina Quicler
19-ամյակից մի քանի օր անց Նադալը հաղթեց Ֆրանսիայի բաց առաջնությունում՝ նվաճելով իր առաջին տիտղոսը Մեծ Սաղավարտի մրցաշարերում։
Լուսանկարը` Julian Finney
Նադալ-Ֆեդերեր հերթական դիմակայություններից մեկը 2007-ին էր։ Ֆրանսիայի բաց առաջնության չեմպիոնի տիտղոսը կրկին վերցնում է իսպանացին։
Լուսանկարը` Cynthia Lum
Այս թենիսիստների պայքարը կորտում միշտ էլ հետաքրքիր էր ստացվում։
Լուսանկարը` Ashdown
Եւ ահա 4 ժամ 48 րոպե հետո Նադալը նվաճում է Ուիմբլդոնի ցանկալի գավաթը։
Լուսանկարը` Tom Jenkins
Արդեն աշխարհի առաջին ռակետի կարգավիճակում վայելում է Պեկինի Օլիմպիական խաղերի ոսկին։
Լուսանկարը` Joe Klamar
Սա էլ ԱՄՆ-ի բաց առաջնությունում ունեցած հաջողությունն է։ Հաղթելով Նովակ Ջոկովիչին՝ նա տիտղոս նվաճեց բոլոր խոշոր մրցաշարերում։
Լուսանկարը` Nick Laham
Այն պահը, երբ 14-րդ անգամ բարձրացնում է Ռոլան Գարոսի գավաթը։ Նման ցուցանիշ ոչ մի թենիսիստ չի գրանցել։
Լուսանկարը` Christophe Ena
Փարիզը սիրում է Նադալին։ Պատահական չէ, որ նա Օլիմպիական խաղերում եղավ ջահակիր։
Լուսանկարը` Bertrand Guay
Ավարտենք ֆոտոպատմությունը գրունտի արքայի այս գեղեցիկ ցատկով, որով միշտ հիացնում էր թենիսի սիրահարներին։
Լուսանկարը` Clive Brunskill
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: