2019-ին մենք սկսեցինք նոր շարք՝ Ֆոտոպատմություն, որտեղ ներկայացնում ենք հետաքրքիր, առանձնացող ու յուրօրինակ լուսանկարներ:
Մեր գործընկեր Reuters-ի հետ ամփոփել ենք տարին ու ընտրել ամենաազդեցիկ կադրերը, որոնք 2019-ին որսացել են լուսանկարիչները:
Սինքրոն լողն անչափ գեղեցիկ ու տարբերվող մարզաձեւ է եւ պատահական չէ, որ լուսանկարիչները մեծ ոգեւորությամբ են մոտենում մրցաշարերին:
Լուսանկարը` Reuters
Ջրային մարզաձեւերի թեման շարունակենք ու տեսնենք, թե ինչպես են 10 մ աշտարակից մարզուհիները «սահում» դեպի ներքեւ:
Լուսանկարը` Reuters
Բնության հրաշքը, երբ կողք-կողքի լողում են մարդն ու կարապը: Խոստովանեք, որ շատ գեղեցիկ է:
Լուսանկարը` Reuters
Գեղասահքը եւս մարզասերներին աննկարագրելի պահեր է պարգեւում, եւ այս լուսանկարի գունային ֆոնն ու մարզիկների ներդաշնակությունը պարզապես դրանց ապացույցն են:
Լուսանկարը` Reuters
Ձնառատ երկրներում էքստրեմալ մարզաձեւի սիրահարները միշտ լարված պայքար են ծավալում: Իսկ ահա մթին ու տեղացող ձյան տակ լուսանկարներն այսպիսին են ստացվում:
Լուսանկարը` Reuters
Եկեք անցում կատարենք ֆուտբոլին: «Արսենալ»-«Սաութհեմփթոն» խաղի ժամանակ Ունայ Էմերիի ու Նաթան Ռեդմոնդի «երկխոսությունից»:
Լուսանկարը` Reuters
Երբ գնդակի համար կատաղի պայքար է գնում, շահում են ոչ միայն թիմերը, այլ նաեւ լուսանկարիչները:
Լուսանկարը` Reuters
Կանայք եւս գիտեն պայքարել եւ, համակարծիք լինելով, փորձում են համոզել մրցավարին ճիշտ որոշում կայացնել:
Լուսանկարը` Reuters
Իսկ հիմա եկեք վերհիշենք, թե ինչ էր կատարվում Լիվերպուլի փողոցներում հունիսի 2-ին: Չեմպիոնների Լիգայի ուրախ ավտոբուսն ու երկրպագուները:
Լուսանկարը` Reuters
Լավագույն թենիսիստներից մեկն է՝ Նովակ Ջոկովիչը: Այս տպավորիչ լուսանկարի հեղինակն այն ստացել է Փարիզի Մասթերսի ժամանակ:
Լուսանկարը` Reuters
Սա նույնպես թենիսից է, չնայած կարող է թվալ, թե Ռաֆա Նադալը պարզապես լողում է մուգ կապույտ ծովում:
Լուսանկարը` Reuters
Հաղթանակի բերկրանքը: 15-ամյա Քորի Գաուֆի հաղթանակը, որը ոգեւորում է նաեւ նրա բարեկամներին ու երկրպագուներին:
Լուսանկարը` Reuters
Աթլետիկայում լուսանկարիչները կարող են առանձնացող կադրեր որսալ ոչ միայն մարզիկների, այլ նաեւ ավազի շնորհիվ:
Լուսանկարը` Reuters
Իսկ երբ մարաթոնյան վազքի ես մասնակցում, այն էլ Դոհայում՝ հարկավոր է շատ ջուր ունենալ:
Լուսանկարը` Reuters
Եւ վերջում այսպիսի «բաց» տեսարան ունենք: Ռեքբիում պայքարն անհամեմատ թեժ է ստացվում: Մրցակցին կանգնեցնելու համար արդարացված է ցանկացած քայլ:
Լուսանկարը` Reuters
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: