Փարիզը հրաժեշտ տվեց Օլիմպիական խաղերին, որոնք վերջին անգամ ընդունել էր 100 տարի առաջ։
Լուսանկարը` Մեդիամաքս
Ավելի քան երկու շաբաթ Ֆրանսիայի մայրաքաղաքն ապրեց աննախադեպ օրեր, ընդունեց հազարավոր հյուրեր եւ բոլորին էլ տոն պարգեւեց։ Բնականաբար, ինչպես ցանկացած մասշտաբային միջոցառում, այս խաղերը եւս զերծ չէին բացթողումներից, սակայն դրականն այնքան շատ էր, որ դրանք գրեթե տեսանելի չէին։
Լուսանկարը` Մեդիամաքս
33-րդ խաղերը 3-րդն էին իմ կարիերայի ընթացքում եւ, համեմատելով կարող եմ ասել, որ Փարիզի կազմկոմիտեն ահռելի աշխատանք էր տարել։ Չնայած կազմակերպվածության առումով Տոկիո-2020-ն ավելի անթերի էր, սակայն Փարիզի խաղերի մտերմիկ մթնոլորտն էլ ավելի գրավիչ էր։
Լուսանկարը` Մեդիամաքս
Ֆոտոլրագրողների համար կարեւոր է, թե մրցումները լուսաբանելու համար ինչպիսի տեղեր են հատկացվում։ Լավ ու խոսուն կադրեր ստանալու համար ցանկացած ֆոտոլրագրող պայքարում է մինչեւ վերջ ու մեկնարկից ժամեր առաջ է գնում մարզադահլիճ։
Լուսանկարը` Մեդիամաքս
Փարիզում թերեւս ամենավատ տեղերը ֆոտոլրագրողների համար հատկացված էին ծանրամարտի դահլիճում։ Ակնհայտ էր, որ այս հարցում կազմակերպիչները թերացել էին ու լավ տեղերը տրամադրել էին միայն ՄՕԿ-ի պաշտոնական գործընկեր հանդիսացող ֆոտոգործակալություններին։
Լուսանկարը` Մեդիամաքս
Փոխարենը շատ ճշգրիտ ու լավ էր աշխատում ըմբշամարտի դահլիճի ֆոտոլրագրողներին կցված թիմը։ Ամեն անգամ, երբ գորգ պետք է բարձրանար Հայաստանի ներկայացուցիչը, նրանք անպայման տեղ էին ազատում մեզ համար ու հնարավորություն տալիս ունենալ որակյալ կադրեր։
Լուսանկարը` Մեդիամաքս
Ֆոտոլրագրողի աշխատանքը հետաքրքիր է, չնայած եղած դժվարություններին, մենք ավելի մոտ ենք լինում մարզիկներին, անմիջապես տեսնում ու լսում ենք նրանց արձագանքները, մարզիչների հետ հարաբերությունները, տխրության կամ ուրախության հույզերը։ Դա պետք է կարողանալ արտահայտել կադրում եւ ներկայացնել երկրպագուներին։
Լուսանկարը` Մեդիամաքս
Սրանք Հայաստանի ներկայացուցիչների այն լուսանկարներն են, որոնք խաղերի ընթացքում Mediamax Sport-ը չէր ներկայացրել իր ընթերցողներին։ Դիտեք դրանք ու վերհիշեք սպորտային մեծագույն տոնի ժամանակ հայ մարզիկների ունեցած ապրումները։
Լուսանկարը` Մեդիամաքս
Գոհար Նալբանդյան
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: