Դավիթ Չալոյանի առաջին մրցակիցն Օլիմպիական խաղերում բրիտանացի է

Հայտնի է բռնցքամարտում Հայաստանի միակ ներկայացուցիչ Դավիթ Չալոյանի մրցակիցը Փարիզի Օլիմպիական խաղերում։

Նա հանդես է գալու հուլիսի 29-ի երեկոյան մրցահերթում՝ ժամը 23։52-ին ու հանդիպելու է բրիտանացի Օրիե Դելիկուսին։

26-ամյա Չալոյանն իր առաջին խաղերին է մասնակցում, նա 2021 թվականի Աշխարհի փոխչեմպիոն է։

27-ամյա բրիտանացին 2022-ին Երեւանում կայացած բռնցքամարտի Եվրոպայի առաջնությունում բրոնզե մեդալակիր է դարձել, իսկ մեկ տարի անց Կրակովի Եվրոպական խաղերում ոսկե մեդալ նվաճել։