Hype Fighting-ը եւս մեկ միջազգային մրցաշար կանցկացնի Երեւանում:
Կազմակերպությունը պաշտոնապես ներկայացրել է առաջիկա մրցաշարերի ցանկը, եւ Երեւանում մարզիկները պայքարելու հնարավորություն կստանան մարտի 29-ին: Մինչ այդ՝ մարտի 3-ին, մրցաշար կանցկացվի Ռիո դե Ժանեյրոյում:
Երեւանյան մրցաշարի մենամարտերից մեկի մասնակիցները հայտնի են: Գրեփլինգում ուժերը կչափեն Դիլ Դենիսն ու Մուհամեդ Զայնուկովը: 32-ամյա Դենիսը հայկական արմատներ ունի՝ հայրը հայ է, մայրը՝ հոնդուրասցի, մեծացել է Նյու Ջերսիում: Մյուս մասնակիցների անունները հայտնի կդառնան ավելի ուշ:
Hype Fighting-ի նախորդ մրցաշարը Երեւանում կայացել է դեկտեմբերի 30-ին, որի գլխավոր մենամարտում Արման Ծառուկյանը հանդիպել էր Շարա Բուլատի հետ: Նրանց դիմակայությունն ավարտվել էր ոչ-ոքի արդյունքով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: