Հայաստանի բասկետբոլի հավաքականն այսօր Եվրաբասկետ-2029-ի նախընտրական փուլում հյուրընկալել էր Նորվեգիային ու պարտություն կրեց։
Մեկնարկում վստահ սկսեց ու հաշվի մեջ առաջ անցավ Նորվեգիան, բայց Հայաստանի հավաքականին հաջողվեց աստիճանաբր վերգտնել իրեն ու սեփական նետումները։ Թեեւ թիմերի արդյունավետությունն առաջին քառորդում այդքան էլ բարձր չէր, բայց մեկ միավորի տարբերությամբ՝ 18:17 հաշվով հաջողվեց առաջ անցնել հայ բասկետբոլիստներին։
Հայաստանի հավաքականը դրվագներով բավական վստահ էր գործում, բայց նաեւ արագ կորցնում նախաձեռնությունը՝ թույլ տալով մրցակցին առաջ անցնել։ Այդպես եղավ նաեւ երկրորդ քառորդում, որն ավարտվեց 31:35 հաշվով:
Ընդմիջումից հետո հայերը վճռական մտան մրցահարթակ ու փորձեցին առաջին համարով գործել, մի քանի րոպե նրանց դա հաջողվեց։ Հատկապես ակտիվ էին ու միավորներ էին վաստակում Անդրե Սփայթ Մկրտչյանն ու Յուրա Մելիքյանը, բայց Նորվեգիան էլ չէր պատրաստվում հանձնվել ու պատասխանում էր իր դիպուկ հարվածներով։ Թիմերը պարզապես զգում էինք միմյանց շնչառությունն ու դա արտահայտվում էր հաշվի վրա՝ 51:49 գրանցվեց 3-րդ քառորդում։
Պայքարը թեւակոխեց որոշիչ փուլ, ու եթե մինչ այդ հիմնականում հավասար պայքարել էր ընթացել, խաղավարտին նորվեգացիներն ավելի ուժեղ տեսք ունեին։ Նրանք բավական ակտիվացան ու մեծացրին միավորների տարբերությունը` հաղթելով 74:62 հաշվով։
Հայաստանի հավաքականը կրեց իր 2-րդ պարտությունը, մինչ այդ զիջել էր Բուլղարիային։ Հաջորդ հանդիպումը հայ բասկետբոլիստներն անցկացնելու են մարտի 2-ին եւ հյուրընկալելու են Բուլղարիային։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: