«Ջրվեժ» անտառպարկում կկառուցվի Համահայկական խաղերի մարզական ավան

Կառավարության որոշմամբ Համահայկական խաղերի համաշխարհային կոմիտեին կտրամադրվի «Ջրվեժ» անտառպարկի 23,3 հա հողամասը՝ 20 միլիարդ 900 միլիոն դրամ արժողությամբ ներդրումային ծրագրի իրականացման նպատակով։

Ծրագիրն իրականացվելու է պայմանագիրն ուժի մեջ մտնելուց հետո 13 տարվա ընթացքում:

Խաղերի անցկացման ժամանակ ավանը ծառայելու է որպես մարզիկների կեցության վայր: Համահայկական խաղերի համաշխարհային կոմիտեն ապահովելու է սպորտային ավանի պահպանման ծախսերի ֆինանսավորումը: Խաղերի ավարտից հետո այն կծառայի երիտասարդական տարբեր հավաքների, հանգստի եւ ժամանցի կազմակերպման համար։

Տարածքը հատկացվել է առանց մրցույթի, կառուցապատման իրավունքով՝ 50 տարի ժամկետով, հայտնում են ԿԳՄՍ-ից։