Մայքլ Ջորդանն ամենաշատ գումար վաստակած մարզիկն է

Sportico պարբերականն անվանել է սպորտի պատմության ամենաբարձր վարձատրվող 50 մարզիկներին:

Ամենաշատ գումարն իր կարիերայի ընթացքում վաստակել է Մայքլ Ջորդանը, նրա եկամուտը կազմել է 4,15 մլրդ դոլար: Նրան 2,79 մլրդ-ով հաջորդում է Թայգեր Վուդսը, իսկ եռյակը եզրափակում է Քրիշտիանու Ռոնալդուն (2,23 մլրդ):

Տասնյակում են նաեւ Լեբրոն Ջեյմսը (1,88 մլրդ), Լեո Մեսսին (1,85 մլրդ), Առնոլդ Պալմերը (1,82 մլրդ), Ջեք Նիքլաուսը (1,75 մլրդ), Դեւիդ Բեքհեմը (1,61 մլրդ), Ռոջեր Ֆեդերերը (1,59 մլրդ) եւ Ֆլոյդ Մեյվեդերը (1,52 մլրդ):

Կանանցից ցանկում ընդգրկվել է միայն Սերենա Ուիլյամսը, որը 660 մլն դոլարով 40-րդն է: