Հայաստանի հոկեյի հավաքականը տնային ԱԱ-ում մեկնարկել է վստահ հաղթանակով

Երեկ Երեւանի գեղասահքի եւ տափօղակով հոկեյի մանկապատանեկան մարզադպրոցում մեկնարկել է IV դիվիզիոնի Աշխարհի առաջնությունը։

Հայաստանի ընտրանին առաջին խաղում մրցել է Մալայզիայի ընտրանու հետ եւ բոլոր 3 քառորդներում էլ առավելություն ունեցել մրցակցի նկատմամբ։ Հայ հոկեիստները հանդիպումն ավարտել են 24:3 հաշվով ու վստահ հաղթանակ գրանցել։

Առաջնությանը մասնակցում են նաեւ Իրանի, Քուվեյթի, Ինդոնեզիայի եւ Ուզբեկստանի ընտրանիները։ Այսօր ժամը 20։00-ին Հայաստանի ընտրանու մրցակիցն է լինելու Ուզբեկստանը։

Վերջին անգամ Հայաստանի հավաքականը միջազգային մրցաշարի էր մասնակցել 2010 թվականին։