Լողորդները մարզումներ են անցկացնում Երեւանում ու պատրաստվում ապրիլին կայանալիք Հայաստանի առաջնությանը:
ՀԱՕԿ-ին Հայաստանի ընտրանու գլխավոր մարզիչ Արման Վահանյանն ասել է, որ մրցաշարից հետո Ծաղկաձորում ուսումնամարզական հավաք կունենան:
Լողորդները կփորձեն լավ մարզավիճակ հավաքել հուլիսին եւ օգոստոսին Սինգապուրում եւ Բուխարեստում կայանալիք մեծահասակների ու պատանիների Աշխարհի առաջնություններից առաջ:
Հայաստանի ներկայացուցիչները ելույթ կունենան նաեւ հուլիսին Սկոպյեում նախատեսված Եվրոպայի Օլիմպիական պատանեկան փառատոնում ու Բեռլինում անցկացվելիք Համաշխարհային ուսանողական խաղերում:
