Այս տարի սպորտային կարիերան ավարտած ծանրամարտի Եվրոպայի չեմպիոն, արծաթե ու կրկնակի բրոնզե մեդալակիր Հռիփսիմե Խուրշուդյանն այսուհետ աշխատելու է ՀԱՕԿ-ում:
Այդ մասին հայտնի է դարձել երեկ կայացած Հայաստանի ազգային Օլիմպիական կոմիտեի արտահերթ նիստի ժամանակ:
Խուրշուդյանը խոստացել է իր 25 տարվա մարզական կարիերայի ընթացքում կուտակած փորձն ու գիտելիքները փոխանցել երիտասարդ սերնդին եւ նպաստել հայկական սպորտի զարգացմանը:
«Շնորհակալ եմ Գագիկ Ծառուկյանից, որ ինձ հնարավորություն է տալիս կարեիրաս ավարտելուց հետո էլ մնալ սպորտում: Ամեն ինչ կանեմ, որ շարունակեմ պատվով ներկայանալ ու կօգնեմ բարձրացնել մեր երկրի միջազգային հեղինակությունը»,- խոստովանել է նա:
Խուրշուդյանը գտնում է, որ կանանց ծանրամարտը Հայաստանում մեծ առաջընթաց է գրանցում ու երիտասարդ սերունդը բավական լավն է: Նա առանձնացրեց Ալեքսանդրա Գրիգորյանին, Աննա Ամրոյանին ու Էմմա Պողոսյանին: Համոզված է, որ հետեւողական աշխատելու դեպքում 2028 թվականի Լոս Անջելեսի Օլիմպիական խաղերում մասնակից կունենանք:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: