Կարապետյանը հունվարից կվերսկսի Օլիմպիական ուղեգրի համար պայքարը

Ձյուդոիստներն Օլիմպիական խաղերի ուղեգրերի համար պայքարը սկսելու են հունվարից:

Հայաստանի հավաքականի կազմում Օլիմպիական խաղերին մասնակցելու համար հունվարի 25-ին Թել Ավիվի Գրան Պրիում հանդես է գալու Ֆերդինանդ Կարապետյանը (73 կգ): Դրանից հետո ձյուդոյիստը մեկնելու է Փարիզի վարկանշային մրցաշարին:

Տոկիոյի խաղերի մասնակիցների վերջնական ցանկը հրապարակվելու է մայիսի 25-ին: Ամեն քաշային կարգում հանդես գալու իրավունք են ստանալու մինչեւ 25 համարները: Կարապետյանի ընթացիկ ցուցանիշը 32-րդն է:

Հայաստանի հավաքականը մինչեւ հունվարի 15-ը միջազգային ուսումնամարզական հավաքի է մասնակցել Ավստրիայում: Այնտեղ էին հավաքվել 67 երկրների ավելի քան 1500 ձյուդոյիստներ: