«Ուրարտու» բասկետբոլային ակումբն Օլիմպավանում երեխաների համար մարզադպրոց է բացելու:
Այս մասին Վանաձորում հայտնել է «Ուրարտու» ակումբի մարզիչ Միքայել Պողոսյանը:
Վանաձորյան ակումբի նախագահ Կարեն Գիլոյանն էլ ավելացրել է, որ արդեն պայմանավորվածություն են ձեռք բերել Կոբի Բրայանտի հոր հետ, որը ժամանելու է Երեւան ու խորհրդատվություններ է իրականացնելու:
«Ապագայում Վանաձորում էլ ենք նախատեսում մարզադպրոց բացել: Շատ ենք ցանկանում, որ ակումբը գոնե մեկ տեղացի խաղացող ունենա, հետագայում էլ նրանց թիվն ավելանա»,- ասել է Գիլոյանը:
Դպրոցի սաների համար վարպետության դասեր կանցկացնեն թիմի ամերիկացի բասկետբոլիստերը, նրանց հետ կաշխատեն ակումբի այլ խաղացողներ եւս:
«Ժամանակն է, որ Հայաստանում թիմային մարզաձեւերը եւս զարգանան, չենք կարող միայն ըմբշամարտով ու կարատեով բավարարվել: Մեր երեխաները պետք է համալրեն Ա լիգայում հանդես եկող թիմերը: Դրա համար էլ կոչ ենք անում ծնողներին երեխաներին բասկետբոլի բերել»,- ավելացրել է Պողոսյանը:
Ակումբը նախատեսում է նաեւ սպորտային խանութ բացել, որտեղ կվաճառվեն թիմի մարզահագուստն ու այլ պարագաներ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: