Այսօր Հայաստանի հավաքականը կիմանա Ազգերի Լիգայում իր մրցակիցներին

ՈւԵՖԱ-ն պաշտոնապես հաստատել է Ազգերի Լիգայի 2026-27 խաղարկության խմբային փուլի վիճակահանության զամբյուղները։

Մրցաշարին մասնակցող 54 հավաքականները խաղալու են 4 լիգաներում։ Այսօր կայանալիք վիճակահանության ժամանակ Հայաստանի ընտրանին C լիգայի 2-րդ զամբյուղում ընդգրկված կլինի Ֆինլանդիայի, Սլովակիայի եւ Բուլղարիայի հավաքականների հետ:

Վիճակահանությունը կմեկնարկի Երեւանի ժամանակով 21։00-ին, հայտնում է ՀՖՖ-ն:

A, B եւ C լիգաներում ձեւավորվելու են 4-ական խմբեր՝ յուրաքանչյուրում 4 հավաքական։ Թիմերը կանցկացնեն 6 խաղ՝ 1-ական տանը եւ դրսում։ 

Զամբյուղ 1՝ Իսլանդիա, Ալբանիա, Մոնտենեգրո, Ղազախստան

Զամբյուղ 3՝ Բելառուս, Ֆարերյան կղզիներ, Կիպրոս, Էստոնիա

Զամբյուղ 4՝ Լատվիա կամ Ջիբրալթար, Լյուքսեմբուրգ կամ Մալթա, Մոլդովա, Սան Մարինո: