Էրլինգ Հոլանդը սահմանել է ՉԼ-ի նոր ռեկորդ

Չեմպիոնների լիգայի մեկնարկային խաղում «Մանչեսթեր Սիթի»-ն հանդիպել է «Նապոլի»-ին ու հաղթել 2։0 հաշվով։

Գոլերից մեկն իր հաշվին գրանցել է Էրլինգ Հոլանդը։ Դա եղել է նորվեգացու 50-րդ գոլը ՉԼ-ում։ Նա այդպիսի արդյունքի հասել է 49 խաղում, ինչն ամենաարագ ցուցանիշն է լիգայի պատմության ընթացքում։ Նա «Սիթի»-ի կազմում աչքի է ընկել 27, «Բորուսիա»-ի՝ 15, «Զալցբուրգ»-ի՝ 8 անգամ։ Մինչ այս ռեկորդը պատկանում էր Ռուդ վան Նիստելրոյին, որը 50 գոլ խփել էր 62 խաղում։

Նշենք, որ Հոլանդը 25 տարեկան 59 օրականում է նման արդյունք գրանցել եւ այդ ցուցանիշով 2-րդն է։ Առաջատարը շարունակում է մնալ Լեո Մեսսին, ով ՉԼ-ում 50 գոլի սահմանը հաղթահարել է 24 տարեկան 284 օրականում։