Հայաստանի հավաքականը բարելավել է դիրքերը ՖԻՖԱ-ի վարկանշային աղյուսակում

ՖԻՖԱ-ի հրատարակած նոր վարկանշային աղյուսակում Հայաստանի ֆուտբոլի ազգային ընտրանին բարելավել է դիրքերը։

Հայաստանի հավաքականը սեպտեմբերին մեկնարկել է 2026 թվականի Աշխարհի առաջնությունում։ Հայ ֆուտբոլիստները 0:5 հաշվով նախ զիջել են Պորտուգալիային, ապա 2:1 հաշվով հաղթել Իռլանդիային։

Դրա շնորհիվ Հայաստանի հավաքականը առաջադիմել է 2 հորիզոնականով ու 103-րդն է։  

Ընտրական մրցաշարում մեր մրցակից Պորտուգալիան 5-րդ տեղում է, Հունգարիան՝ 41-րդ, իսկ Իռլանդիան՝ 61-րդ։

Դասակարգման աղյուսակի առաջատար նորից դարձել է Իսպանիան, 2-րդ տեղում Ֆրանսիան է, իսկ Աշխարհի չեմպիոն Արգենտինան նահանջել է 3-րդ հորիզոնական։