Հայաստանն այս տարի եւս Կոնֆերենցիաների լիգայի հիմնական փուլում ներկայացնելու է «Նոա»-ն։
Որակավորման փլեյ-օֆֆի պատասխան խաղում «Նոա»–ն ընդունել է «Օլիմպիա»-ին ու հաղթել 3։2 հաշվով։ Սանդրո Պերկովիչի թիմը հաղթանակ տոնել էր նաեւ առաջին դիմակայությունում։ Այսպիսով, «Նոա»-ն դարձել է առաջին հայկական թիմը, որը երկու տարի անընդմեջ նվաճել է Կոնֆերենցիաների լիգայի հիմնական փուլի ուղեգիր։
«Շնորհավորում եմ իմ ֆուտբոլիստներին, թիմի ողջ անձնակազմին, երկրպագուներին, ովքեր մեր կողքին են եղել։ Երջանիկ եմ նման արդյունք գրանցելու եւ Հայաստանը 2-րդ տարին եվրագավաթներում ներկայացնելու համար»,- ասել է Պերկովիչը։
Եվրոպայի եւ Կոնֆերենցիաների լիգաների վիճակահանությունը կայանալու է այսօր։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: