Զլատան Իբրահիմովիչը Մոնակոյում կայացած միջոցառման ժամանակ, որի ընթացքում կայացել է ՉԼ-ի վիճակահանությունը, մրցանակ է ստացել։
Շվեդիայի հավաքականի նախկին ֆուտբոլիստն արժանացել է ՈւԵՖԱ-ի նախագահի հատուկ մրցանակի, որը հանձնվում է 1998 թվականից։
«Զլատանը հայտնի է որպես անգերազանցելի մարտիկ, բնատուր հաղթող եւ փոփ մշակույթի խորհրդանիշ։ Բայց ամենից առաջ նա արտակարգ մարդ է՝ ոսկե տղա, որը երբեք չի մոռացել իր արմատները, կարեկցանքը վեր դասելով հայտնիությունից եւ միշտ օգնության ձեռք մեկնելով կարիքավորներին։ Ես շատ հպարտ եմ, որ այս տարվա մրցանակը քո ձեռքերում է»,-ասել է ՈւԵՖԱ-ի նախագահ Ալեքսանդր Չեֆերինը։
«Մեծ պատիվ է ստանալ այս մրցանակը։ Նշանակում է, որ ես ինչ-որ բանի եմ հասել իմ կարիերայում, հակառակ դեպքում չէի ստանա։ Ես անչափ երջանիկ եմ։ Ես բախտ եմ ունեցել խաղալու մեծ ֆուտբոլիստների հետ մեծ ակումբներում։ Դա ինձ դարձրել է այն, ինչ ես այսօր կամ։ Շնորհակալ եւ երախտապարտ եմ»,-սրանք էլ Իբրահիմովիչի խոսքերն են։
Ի դեպ, Իբրահիմովիչն իրեն հատուկ հումորով գրառում է կատարել սոցիալական ցանցերում՝ կցելով լուսանկարներ․ «Զլատանն ինչ ցանկանում է՝ ստանում է»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: