28 տարեկանում մահացել է «Լիվերպուլ»-ի ու Պորտուգալիայի հավաքականի ֆուտբոլիստ Դիոգո Ժոտան:
Նրա մասնակցությամբ ճանապարհատրանսպորտային պատահարը տեղի է ունեցել Իսպանիայի Սամորա նահանգում: Նրա հետ է եղել նաեւ կրտսեր եղբայրը՝ 25-ամյա Անդրե Սիլվա Ժոտան, ով նույնպես ֆուտբոլիստ է:
Դիոգո Ժոտան նախորդ շաբաթ ամուսնացել էր Ռութ Կարդոզոյի հետ։ Զույգը 3 երեխա ունի:
Լուսանկարը` FC Liverpool
Ֆուտբոլիստի մահվան կապակցությամբ բազմաթիվ ակումբներ ու խաղացողներ են իրենց ցավակցությունները հայտնում:
««Լիվերպուլ»-ն այս պահին որեւէ մեկնաբանություն չի անի եւ խնդրում է հարգել Դիոգոյի եւ Անդրեի ընտանիքի, ընկերների, թիմակիցների ու ակումբի աշխատակազմի անձնական կյանքը: Նրանք փորձում են հաշտվել անհավանական կորստի հետ: Մենք շարունակելու ենք մեր լիակատար աջակցությունը ցուցաբերել նրանց»,- տարածել է ակումբը:
Լուսանկարը` FC Liverpool
Պորտուգալիայի ֆուտբոլի ֆեդերացիայի նախագահ Պեդրո Պրոենկայի խոսքով՝ մեծ ցավ է ապրում ու ջախջախված է ողջ պորտուգալական ֆուտբոլը.
«Դիոգո Ժոտան ավելին էր, քան պարզապես հիանալի խաղացող, նա արտակարգ մարդ էր, հարգված թիմակիցների եւ մրցակիցների կողմից»:
Պորտուգալիայի հավաքականի նախկին խաղացող Պեպեն էլ այսպես է իր ցավն արտահայտել. «Հենց նոր եմ ստացել Դիոգոյի մահվան լուրը: Չեմ կարողանում հավատալ: Պարզապես ջախջախված եմ»: Դարպասապահ Դավիդ դե Խեան էլ նշել է, որ երբեմն կյանքն, իսկապես, դաժան է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: