Հայաստանի ֆուտբոլի ազգային հավաքականն այսօր Տուզի քաղաքում բաց մարզում է անցկացրել ու շարունակել նախապատրաստվել վաղը Չեռնոգորիայի հետ կայանալիք ընկերական խաղին։
Հայաստանի հավաքականը հանգրվանել է Պոդգորիցայում, իսկ հանդիպումը կայանալու է Նիկշիչ քաղաքում, որը մոտ 50 կմ հեռավորության վրա է գտնվում։
Դա երկու ընտրանիների միջեւ երկրորդ ընկերական ու ընդհանուր թվով 4-րդ հանդիպումն է լինելու։ Պաշտոնական խաղերում Հայաստանն ու Չեռնոգորիան մեկական խոշոր հաշվով հաղթանակ են տարել, իսկ ընկերական դիմակայությունում ուժեղ են եղել հայ ֆուտբոլիստները։
Սա ԱԱ-2026-ի ընտրական փուլին նախապատրաստվելու շրջանակներում Հայաստանի երկրորդ ընկերականն է լինելու։ Օրեր առաջ թիմը հյուրընկալվելիս մրցել է Կոսովոյի հետ ու զիջել 2:5 հաշվով։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: