Հայաստանի հավաքականի հոբելյարն ու ուղեւորությունը դեպի Չեռնոգորիա

Հայաստանի ֆուտբոլի ազգային հավաքականը Կոսովոյից (2:5) հաշվով կրած պարտության հաջորդ օրն ուղեւորվել է Չեռնոգորիա, որի ընտրանու հետ հունիսի 9-ին եւս մեկ ընկերական հանդիպում է ունենալու։

Այսօր առավոտյան հավաքականի ֆուտբոլիստները հասցրել են Պրիշտինայում վերականգնողական մարզում անցկացնել, ապա այնտեղից մեկնել են Պոդգորիցա, թռիչքը շատ կարճ ու արագ է անցել, քանի որ այդ երկրները հարեւաններ են։

Ուղեւորության ընթացքում շնորհավորանքներ է ստացել երեկվա հանդիպման գեղեցիկ գոլերից մեկի հեղինակը՝ Էդուարդ Սպերցյանը, որն այսօր նշում է 25-ամյակը։

Թեեւ հավաքականը հանգրվանել է Պոդգորիցայում, սակայն հանդիպումը տեղի է ունենալու մոտ 50 կմ հեռավորության վրա գտնվող Նիկշիչ քաղաքում։ 

Վաղը հավաքականը բաց մարզում է ունենալու Տուզի փոքրիկ քաղաքում, իսկ հանդիպումը կայանալու է մեկ օր անց եւ մեկնարկելու է Երեւանի ժամանակով 22:00-ին։

Հայաստանի ու Չեռնոգորիայի հավաքականները միմյանց դեմ խաղացել են 3 անգամ, երկու հանդիպում ավարտվել է հայ ֆուտբոլիստների հաղթանակով, մեկը՝ մակեդոնացիների։ 

Երկու հանդիպումների դեպքում 5-ական գնդակ է գրանցվել՝ Երեւանում Հայաստանի հավաքականը հաղթել է 3:2 հաշվով, իսկ հյուրընկալվելիս զիջել 1:4: