Էդուարդ Սպերցյան. «Կրասնոդար»-ի հետ չեմպիոն հռչակվելը կյանքիս լավագույն օրն է

Էդուարդ Սպերցյանը երեկոյան «Կրասնոդար»-ի հետ դարձավ Ռուսաստանի չեմպիոն ու որպես ավագ բարձրացրեց գավաթը։

Վերջին տուրում նրա թիմը 3:0 հաշվով ուժեղ էր «Դինամո»-ից, գոլերից մեկն էլ 11-մետրանոցից խփեց Սպերցյանը։ «Կրասնոդար»-ը վաստակել է 67 միավոր ու 2-րդ տեղը զբաղեցրած «Զենիթ»-ից առաջ անցել 1 միավորով։ Սա հայ կիսապաշտպանի առաջին տիտղոսն է ակումբի հետ։

«Երբ հաշիվը 2:0 դարձավ, նոր հավատացի, որ մենք չեմպիոն ենք։ Արդեն հասկանում էինք, որ չենք զիջի մրցակցին։ 

«Կրասնոդար»-ը չեմպիոն է դարձել իր հավատի, ձգտման, բնավորության ու, իհարկե, ծանր աշխատանքի շնորհիվ։ Մենք մի մեծ ընտանիք ենք։ Տեսեք, թե ինչ է կատարվում տրիբունաներում, անգամ՝ արտագնա հանդիպումների ժամանակ։ 

Գավաթը բարձրացնելը մեծ երջանկություն է, սա կյանքիս լավագույն օրն է»։