«Ինտեր»-ը Մարկուս Թյուրամի հեթ-տրիկի շնորհիվ հաղթել է «Տորինո»-ին

Իտալիայի առաջնության 7-րդ տուրում «Ինտեր»-ն ընդունել է «Տորինո»-ին ու առավելության հասել 3:2 հաշվով։

Մրցակիցը 20-րդ րոպեից 10 հոգով է հանդես եկել, խաղադաշտից հեռացվել է Գիլերմո Մարիպանը։ Միլանյան թիմի կազմում հեթ-տրիկի հեղինակ է դարձել Մարկուս Թյուրամը։ 

«Տորինո»-ից նախ աչքի է ընկել Դուվան Սապատան, ապա հանդիպման ավարտին 11-մետրանոցից հաշիվը կրճատել է Նիկոլա Վլաշիչը։ 

Հենրիխ Մխիթարյանն «Ինտեր»-ի մեկնարկային կազմում է եղել ու խաղադաշտում  77 րոպե է անցկացրել:

Սիմոնե Ինձագիի սաները վաստակել են 14 միավոր ու մրցաշարային աղյուսակում երկրորդն են, առաջատար «Նապոլի»-ն երկու միավոր ավել ունի։