Ինձագի. Ուզում ենք մեծ նվաճումներ ունենալ, որպեսզի երկրպագուները հպարտանան մեզնով

Այսօր երեկոյան «Ինտեր»-ը Չեմպիոնների Լիգայի խմբային փուլում հյուրընկալվելու է «Բենֆիկա»-ին:

Սիմոնե Ինձագին հանդիպումից առաջ նշել է, որ Պորտուգալիայում իրենց կարեւոր դիմակայություն է սպասվում ու, թեեւ արդեն ապահովել են մասնակցությունը փլեյ-օֆֆում, սակայն ցանկանում են իրենց խմբում առաջին տեղը զբաղեցնել:

«Մեր նպատակն է հաղթել ամեն խաղում, արդեն 3 տարի է կարողանում ենք խմբային փուլը հաղթահարել, այս տարի էլ որոշակի առաջադրանքներ արդեն կատարել ենք, բայց հասկանում ենք, որ մեզ վրա մեծ պատասխանատվություն է դրված: Մեր երկրպագուներն արժանի են լավ արդյունքների, կաշխատենք մեծ նվաճումներ ունենալ, որպեսզի մեզնով հպարտանան»,- ընդգծել է մարզիչը:

Ինձագին նշել է, որ 6 ամսվա ընթացքում «Բենֆիկա»-ի հետ 4-րդ խաղն են անցկացնելու, բայց մրցակցի հարկի տակ ավելի բարդ է լինելու, քանի որ սեփական երկրպագուները կօգնեն.

««Բենֆիկա»-ն լավ ֆուտբոլիստներ ունի եւ կարող է թեժ պայքար ծավալել: Թիմը ցանկանում է հաղթել, որպեսզի շարունակի ելույթները Եվրոպայի Լիգայում»:

D խմբում «Ռեալ Սոսիեդադ»-ը եւ «Ինտեր»-ն ունեն 10-ական միավոր, «Զալցբուրգ»-ը վաստակել է 3, իսկ «Բենֆիկա»-ն վերջին տեղում է, թիմը միայն պարտություններ է կրել: