Այսօր Կատարում ընթացող ֆուտբոլի Աշխարհի առաջնության հերթական հագեցած խաղային օրն է եւ կայանալու է 4 հանդիպում:
Առաջինը «Էլ Ջանուբ» ստադիոնում Երեւանի ժամանակով 14:00-ին հանդիպելու են Շվեյցարիայի ու Կամերունի հավաքականները: G խմբում ընդգրկված շվեյցարացիների համար սա 12-րդ Մունդիալն է, իսկ Կամերունը մասնակցում է 8-րդ անգամ, սակայն 1990 թվականից հետո չի կարողացել հաղթահարել խմբային փուլի արգելքը: Շվեյցարիան Աֆրիկա մայրցամաքից միայն մեկ մրցակից է ունեցել ու 2006 թվականին 2:0 հաշվով հաղթել Տոնգոյին:
Լուսանկարը` Swiss Nati Men
Ապա 17:00-ին իրենց առաջին հանդիպումները H խմբում անցկացնելու են Ուրուգվայի ու Հարավային Կորեայի ընտրանիները: Այդ դիմակայությունը կարող է որոշիչ լինել Պորտուգալիայի հետ խմբում առաջատար դիրքերի համար պայքարելու ու փլեյ-օֆֆ դուրս գալու համար:
Լուսանկարը` Selección Uruguaya de Fútbol
Թեեւ այս Մունդիալն անկանխատեսելի է, բայց մասնագետները կարծում են, որ Քրիշտիանու Ռոնալդուն ու թիմակիցները կկարողանան խմբային փուլը հաղթահարել: Նրանք էլ 20:00-ին հանդիպելու են Գանայի ընտրանու հետ: Իր 5-րդ ու, հավանաբար, վերջին առաջնությանը մասնակցող Ռոնալդուն մեկ նպատակ ունի՝ Եվրոպայի չեմպիոնությունից հետ դառնալ նաեւ Աշխարհի չեմպիոն:
Լուսանկարը` Seleções de Portugal
Օրվա վերջին, բայց ոչ պակաս սպասված հանդիպումը կայանալու է 23:00-ին, մրցելու են Բրազիլիան ու Սերբիան: Բրազիլացիներն իրենց անցկացրած վերջին 8 խաղերից 7-ում հաղթել են՝ ընդ որում բավական խոշոր հաշիվներով: Սերբիան էլ վստահ անցել է ընտրական փուլը, 6 հաղթանակ եւ 2 ոչ-ոքի գրանցել ՝ շրջանցելով Պորտուգալիային:
Լուսանկարը` Serbian Football
Բրազիլիան ու Սերբիան 2018-ի ԱԱ-ի ժամանակ էլ նույն խմբում են եղել ու Հարավային Ամերիկայի ներկայացուցիչներն ուժեղ են եղել 2:0 հաշվով: Այսօր էլ Բրազիլիան ֆավորիտ է համարվում, բայց ամեն ինչ կորոշվի խաղադաշտում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: