ԵՎՐՈ-2020-ի որակավորման փուլի վիճակահանությանը մասնակցելու համար Իռլանդիայի մայրաքաղաք էր մեկնել նաեւ Հայաստանի ֆուտբոլի ֆեդերացիայի նախագահ Արթուր Վանեցյանը:
Դուբլինում կայացել է եռակողմ հանդիպում ՈւԵՖԱ-ի նախագահ Ալեքսանդր Չեֆերինի, ՈւԵՖԱ-ի Ազգային ասոցիացիաների բաժնի տնօրեն Զորան Լակովիչի, Վանեցյանի եւ ՀՖՖ-ի առաջին փոխնախագահ, գլխավոր քարտուղար Արմեն Մելիքբեկյանի միջեւ: Հանդիպման ընթացքում քննարկվել է համագործակցության լայն շրջանակ, մասնավորապես առաջիկա 4 տարում Հայաստանի մարզերում ՀՖՖ կողմից իրականացվելիք ենթակառուցվածքային զարգացման ծրագրերը:
Հայկական կողմը մանրամասն ներկայացրել է ազգային նոր մարզադաշտ կառուցելու ծրագրերը: ՈւԵՖԱ-ի նախագահը պատրաստակամություն է հայտնել աջակցել ՀՖՖ-ին բոլոր հնարավոր միջոցներով, մարզադաշտի՝ ՈւԵՖԱ-ի չափորոշիչներին համապատասխանելու, նախագծման, ՈւԵՖԱ-ի փորձագետների աջակցության եւ մասնագիտական խորհրդատվության մասով, հայտնում է ՀՖՖ-ն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: