Համաշխարհային Օլիմպիադա․ Հայաստանի թիմերը կրկին հաղթանակ են տոնել

Հայաստանի շախմատի հավաքականները Բուդապեշտում ընթացող համաշխարհային Օլիմպիադայում կրկին հաղթանակներ են տոնել։

Կանանց պայքարում հայ շախմատիստները կրկին գրանցել են 4։0 հաշիվ՝ այս անգամ ուժեղ լինելով Մեքսիկայից։ Թիմին մեկական միավոր են բերել Լիլիթ Մկրտչյանը, Մարիամ Մկրտչյանը, Էլինա Դանիելյանը եւ Աննա Սարգսյանը։

Վաստակած թիմային 4 միավորով կանանց ընտրանին լրացուցիչ ցուցանիշներով ընթանում է 4-րդ տեղում։ Այսօր մրցակիցը Հունգարիայի 2-րդ թիմն է։

Տղամարդկանց ընտրանին 3։1 հաշվով ուժեղ է եղել Անդորրայից։ Հաղթանակներ տոնել են Հայկ Մարտիրոսյանն ու Կարեն Գրիգորյանը, իսկ Շանթ Սարգսյանը եւ Ռոբերտ Հովհաննիսյանը ոչ-ոքի են խաղացել։ Հայերն այսօր ուժերը չափելու են Բրազիլիայի հավաքականի հետ։