Արագ շախմատի Աշխարհի չեմպիոնը Մագնուս Կարլսենն է

Սամարղանդում ավարտված արագ շախմատի Աշխարհի չեմպիոն է դարձել Մագնուս Կարլսենը:

Նորվեգացին 13 տուրում վաստակել է 10 միավոր ու ցույց տվել լավագույն արդյունքը: 2-րդ տեղը զբաղեցրած Վլադիմիր Ֆեդոսեւին (Սլովակիա) նա շրջանցել է 0,5 միավորով:

Հայ շախմատիստներից լավագույն արդյունքն ունի Շանթ Սարգսյանը, որը 8 միավորով 43-րդն է, ապա նրան հաջորդում է 7,5 միավոր ունեցող Տիգրան Պետրոսյանը:

Կանայք 11 տուր են խաղացել եւ լրացուցիչ ցուցանիշներով ոսկե մեդալակիր է դարձել Անաստասիա Բոդնարուկը, 3 շախմատիստուհիներ 8,5-ական միավոր են վաստակել: Էլինա Դանիելյանը 6,5 միավորով 35-րդն է, իսկ Սուսաննա Գաբոյանը 6-ով՝ 42-րդը:

Այսօրվանից 50 երկրների 350 մասնակիցները պայքարը սկսելու են կայծակնային շախմատի ԱԱ-ում: