Շախմատի ԵԱ․ Հայաստանի թիմերը հաղթանակներ են տոնել

Հայաստանի հավաքականները շարունակում են ելույթները Եվրոպայի թիմային առաջնությունում։

Երրորդ տուրը հաջող է դասավորվել հայ շախմատիստների համար։ Տղամարդկանց հավաքականը 2,5։1,5 հաշվով առավելության է հասել Ավստրիայի նկատմամբ։ Հաղթական միավոր թիմին բերել է Սամվել Տեր-Սահակյանը, իսկ Գաբրիել Սարգսյանը, Հրանտ Մելքումյանը եւ Շանթ Սարգսյանը ոչ-ոքի են խաղացել։ Հայաստանի ընտրանին 5 միավորով ընթանում է 5-րդ տեղում։

Կանանց թիմը 3,5։1,5 հաշվով հաղթանակ է տարել Իտալիայի նկատմամբ։ Լիլիթ Մկրտչյանը, Մարիամ Մկրտչյանը եւ Էլինա Դանիելյանն ուժեղ են եղել մրցակիցներից, իսկ Սուսաննա Գաբոյանը ոչ-ոքի է խաղացել։ Հայկական թիմը 4 միավորով 11-րդն է։