Այսօր Կարեն Դեմիրճյանի անվան մարզահամերգային համալիրում կայանալիք «IBA-ի չեմպիոնների գիշեր» պրոֆեսիոնալ բռնցքամարտի երեկոյից առաջ անցկացվել է մասնակիցների կշռման եւ հայացքների փոխանակման արարողությունը:
Երկրպագուները հնարավորություն են ունեցել ծանոթանալ հայ ու արտասահմանցի բռնցքամարտիկների հետ:
Այսօր ռինգ դուրս կգա 6 հայ բռնցքամարտիկ: Օլիմպիական խաղերի մասնակից Դավիթ Չալոյանը գերծանր քաշային կարգի IBA-ի «Ուժեղագույն ընտրանու» 1/4 եզրափակիչի շրջանակում կմրցի կուբացի Լենիեր Պերոյի հետ։
Մենամարտեր կանցկացնեն նաեւ Նարեկ Մանասյանը, Արթուր Բազեյանը, Արարատ Հարությունյանը, Գուրգեն Մադոյանն ու Կարեն Տոնականյանը: Երեկոյի գլխավոր մենամարտում կխաղարկվի WBA Ասիայի չեմպիոնական գոտին, որի համար կմրցեն ռուս Պավել Սոսուլինն ու ֆիլիպինցի Կառլո Բակարոն։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: