Հայաստանի բռնցքամարտի հավաքականը Եվրոպայի առաջնությունից առաջ վերջին մարզումներն է անցկացնում Երեւանում:
Թիմի գլխավոր մարզիչ Կարեն Աղամալյանը լրագրողներին ասել է, որ հիմնական պատրաստությունը սկսել են Սերբիայում կայացած միջազգային մրցաշարում, որտեղ նրա սաները երկու մեդալ էին նվաճել:
Լուսանկարը` Մեդիամաքս
«Ինձ համար մեդալներն ու գրաված տեղերը կարեւր չէին, ես ցանկանում էի տեսնել տղաների վիճակը: Դրանից հետո Ծաղկաձորում լավ մարզումներ անցկացրինք, հիմա էլ վերջին փուլն է: 10 օրից նրանք իրենց ավելի լավ կզգան»,-ասել է Աղամալյանը:
Նա ցավով նշել է, որ այսօրվա մարզմանը վնասվածք է ստացել թիմի առաջատարներից մեկը՝ Կարեն Տոնականյանը:
Լուսանկարը` Մեդիամաքս
«Ոտքի հետ է խնդիրը, տեսնենք, թե մի քանի օրից բժիշկներն ինչ են ասում: Հովհաննես Բաչկովի մասին եւս հստակ ոչինչ ասել չեմ կարող, նա թիմի հետ մարզվում է, բայց տեսնենք՝ որքանով կլինի պատրաստ ԵԱ-ին: Նրանք երկուսն էլ մեր թիմի առաջատարներից են»,-ավելացրել է մարզիչը:
Լուսանկարը` Մեդիամաքս
Երեւանում բռնցքամարտի Եվրոպայի առաջնությունը կայանալու է մայիսի 21-31-ը: Հայաստանի ընտրանու վերջնական կազմը կհրապարակվի մյուս շաբաթ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: