Գարիկ Կարապետյանը դարձել է երիտասարդական ԱԱ-ի չեմպիոն

Գվադալախարայում ավարտվել է ծանրամարտի Աշխարհի երիտասարդական առաջնությունը։

Հայաստանի հավաքականը մրցումային վերջին օրն ունեցել է մեկ ծանրորդ։ Մինչեւ 102 կգ քաշային կարգում հաջող է ելույթ ունեցել Գարիկ Կարապետյանն ու դարձել ոսկե մեդալակիր։ Մեծահասակների ԵԱ-ի չեմպիոնը հավասարը չի ունեցել բոլոր վարժություններում էլ։

Պոկումում նա բարձրացրել է 175 կգ, իսկ հրումում՝ 203 կգ ծանրաձող։ Երկամարտի 378 կգ արդյունքով Կարապետյանը հռչակվել է երիտասարդների չեմպիոն՝ 13 կգ-ով գերազանցելով արծաթե մեդալակիր Աբոլֆազլ Զարեին (Իրան)։

Հայաստանի հավաքականն ԱԱ-ում ունեցել էր եւս երկու ոսկե մեդալակիր։ Ավելի վաղ հաղթողներ էին դարձել Ալեքսանդրա Գրիգորյանը (55 կգ) եւ Գոռ Սահակյանը (67 կգ)։