Հայտնի է, թե ովքեր կներկայացնեն Հայաստանը ծանրամարտի երիտասարդական ԱԱ-ում

Նոյեմբերի 15-ին Մեքսիկայի Գվադալախարա քաղաքում մեկնարկելու է ծանրամարտի Աշխարհի երիտասարդական առաջնությունը։

Միջազգային ֆեդերացիան տեղեկացնում է, որ Հայաստանը հայտավորել է 7 ծանրորդի։

Տղաների մրցաշարում ելույթ կունենան Գոռ Սահակյանը (67 կգ), Մարտին Պողոսյանը (73 կգ), Սուրեն Գրիգորյանը (89 կգ) եւ Գարիկ Կարապետյանը (102 կգ)։

Աղջիկների առաջնությունում հանդես կգան Ալեքսանդրա Գրիգորյանը (55 կգ), Աննա Ամրոյանը (76 կգ) եւ Էմմա Պողոսյանը (81 կգ)։

Այս օրերին ծանրորդները հավաք են անցկացնում Երեւանում, որտեղից էլ մեկնելու են մրցավայր։