ԱԱ. Հակոբ Մկրտչյանն ու Դավիթ Հովհաննիսյանը չկարողացան պայքարել մեդալների համար

Էր Ռիադում այսօր պայքարի մեջ են մտել մինչեւ 96 կգ քաշային ծանրորդները։ Հայաստանի հավաքականի կազմում ելույթ են ունեցել այս տարվա Եվրոպայի չեմպիոն Դավիթ Հովհաննիսյանը եւ Հակոբ Մկրտչյանը։

Մկրտչյանը պոկումը սկսել է 164 կգ-ից ու բարձրացրել ծանրաձողը, ապա 4 կգ-ոց քայլ կատարել, բայց 2 մոտեցումներն էլ անհաջող են եղել։

Դավիթ Հովհաննիսյանը եւս պոկման միայն մեկ մոտեցումն է արդյունավետ օգտագործել, նա բարձրացրել է 168 կգ, իսկ ահա 172 կգ-ը գրանցել չի ստացվել։

Լուսանկարը` Մեդիամաքս

Հրմանը Հովհանիսյանը միայն երկրորդ փորձից է կարողացել 200 կգ-ը պահել գլխավերեւում, վերջին մոտեցումը՝ 212 կգ, նրա ուժերից վեր է եղել։ Ծանրորդը երկամարտում 368 կգ է գրանցել, երեւանյան ԵԱ-ում նա 377 կգ էր հավաքել։

Մկրտչյանի հրման առաջին պատվերն եղել է 208 կգ, որը նա երկրորդ մոտեցմամբ է բարձրացրել, ապա 8 կգ-ոց քայլ է կատարել, որպեսզի կարողանա պայքարել մեդալի համար, սակայն չի ստացվել։ Նա 372 կգ-ով 6-րդ տեղն է գրավել։

Աշխարհի չեմպիոնի կոչումը 387 կգ-ով նվաճել է եգիպտացի Քարիմ Աբոկահլան։

Հայաստանի հավաքականի կազմում միակ մեդալն առայժմ նվաճել է Գոռ Սահակյանը (67 կգ), նա 3-րդ տեղն է գրավել։

Վաղը Երեւանի ժամանակով ժամը 20:00-ին ելույթ են ունենալու այս տարվա Եվրոպայի չեմպիոններ Սամվել Գասպարյանն ու Գարիկ Կարապետյանը (102 կգ)։