ԱԱ․ Հայտնի են Հայաստանի ծանրամարտի թիմերի վերջնական հայտերը

Ծանրամարտի միջազգային ֆեդերացիան պատրաստվում է Ալ Ռիադում կայանալիք Աշխարհի առաջնությանը։

Սեպտեմբերի 4-17-ը Սաուդյան Արաբիայում ծանրորդները պայքարելու են ոչ միայն մեդալների, այլ նաեւ Օլիմպիական վարկանշային միավորների համար։

IWF-ն ներկայացրել է հավաքականների վերջնական հայտերը։ Հայաստանի ընտրանիներում մի շարք մարզիկներ դուրս են մնացել ցուցակից։

Տղամարդկանց թիմում Փաշիկ Ալավերդյանն ընդգրկել է Գոռ Սահակյանին (67 կգ), Ռաֆիկ Հարությունյանին (81 կգ), Անդրանիկ Կարապետյանին (89 կգ), Դավիթ Հովհաննիսյանին ու Հակոբ Մկրտչյանին (96 կգ), Սամվել Գասպարյանին ու Գարիկ Կարապետյանին (102 կգ), Սիմոն Մարտիրոսյանին եւ Վարազդատ Լալայանին (+109 կգ):

Արտաշես Ներսիսյանը կանանց հավաքականում հայտավորել է 5 մարզիկի։ ԱԱ-ում հանդես կգան Իզաբելա Յայլյանը եւ Ալեքսանդրա Գրիգորյանը (55 կգ), Լիանա Գյուրջյանը (81 կգ), Հռիփսիմե Խուրշուդյանը եւ Տաթեւ Հակոբյանը (87 կգ):