Մբապեն իր ռեկորդային խաղի մարզաշապիկը նվիրել է դստերը կորցրած «Նանտ»-ի խաղացողին

ՊՍԺ-ի հարձակվող Կիլիան Մբապեն Ֆրանսիայի առաջնության 26-րդ տուրում «Նանտ»-ի (4:2) հետ խաղում արդյունավետության ռեկորդ սահմանեց:

Նա 201 գոլով դարձավ ակումբի լավագույն ռմբարկուն ու գերազանցեց Էդիսոն Կավանիի (200) ցուցանիշը:

Խաղից հետո մարզաշապիկը նվիրել է «Նանտ»-ի խաղացող Իգնատիուս Գանագոյին, որի 5-ամյա դուստրը 2 շաբաթ առաջ մահացել է ծանր հիվանդությունից, հայտնում է Goal-ը: Մբապեն հանդիպումից հետո հանդերձարան գնալիս մոտեցել է Գանագոյին, գրկել նրան ու հանձնել շապիկը:

Լուսանկարը` indianexpress.com