Կայացել է Հայաստանի տարբեր տարիքային խմբերի արտիստիկ լողի առաջնությունը։
Պատանիների, երիտասարդների եւ մեծահասակների պայքարին մասնակցել է մոտ 100 մարզուհի։ Նրանք մրցել են պարտադիր եւ ազատ ծրագրով, իսկ մեծահասակները՝ պարտադիր տեխնիկական ու պարտադիր ազատ ծրագրով։ Ըստ արտիստիկ լողի ֆեդերացիայի նախագահ Մարգարիտա Ղազարյանի՝ մասնակիցների թիվը նախորդ տարիների համեմատ եռապատկվել է։
Նարինե ՂազարյանըԼուսանկարը` Մեդիամաքս
«Առաջնությունում մեր մարզուհիները հանդես եկան միջազգային մրցաշարերի կանոններով։ Աշխատանքի ու հետեւողականության արդյունքում նրանք կսկսեն հաջող հանդես գալ արդեն միջազգային ասպարեզում»,- Mediamax Sport-ին ասել է Ղազարյանը։
Հայաստանի չեմպիոններ են դարձել մեծահասակների պայքարում Անի Բարիկյանը, երիտասարդներում՝ Կիռա Սարգսյանը, պատանիներում՝ Եվա Բարիկյանը։
Ֆեդերացիայի նախագահը խոսել է նաեւ արտիստիկ լողի խնդիրներից, որոնք Հայաստանում բազմաթիվ են։ Ըստ նրա՝ դրանք պատճառ չեն, որ հուսահատվեն ու ոչինչ չանեն։
Լուսանկարը` Մեդիամաքս
«Մեզ ամեն կերպ փորձում են աջակցել, տեսնում են մեր ձգտումներն ու աշխատանքը, ինչի պատճառով էլ անում են հնարավորը մեզ օգնելու համար։ Բացի Երեւանից խմբակ ունենք Վանաձորում։ Ուզում ենք ծավալվել ու խմբակներ բացել նաեւ Էջմիածնում ու Գյումրիում»,-ավելացրել է Ղազարյանը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: