Հայտնի են Հայաստանի բասկետբոլի հավաքականների մրցակիցները ԵԱ-ում

Կայացել են Եվրոբասկետ-2025-ի վիճակահանությունները եւ որոշվել են նաեւ Հայաստանի հավաքականների մրցակիցները։

Մ-16 տ․ տղաների թիմը Եվրոպայի C դիվիզիոնում կհանդիպի Ալբանիայի, Մալթայի եւ Մոլդովայի հետ։ Նույն տարիքային աղջիկներն ուժերը կչափեն Ջիբրալթարի, Վրաստանի եւ Կիպրոսի հետ։

18 տարեկանների թիմն ուժերն է չափելու Կիպրոսի, Մոնակոյի, Սան Մարինոյի եւ Ջիբրալթարի, իսկ աղջիկները՝ Ալբանիայի եւ Անդորրայի հետ։

Մինչեւ 20 տարեկանները հանդես են գալու ԵԱ-ի B դիվիզիոնում եւ կմրցեն Մոնտենեգրոյի, Էստոնիայի, Լատվիայի եւ Իռլանդիայի հավաքականների դեմ։ B դիվիզիոնի առաջնությունը կայանալու է Երեւանում։

Բոլոր հանդիպումները տեղի են ունենալու ամռանը, հայտնում է Հայաստանի բասկետբոլի ֆեդերացիան։