Ձյուդոյիստները մարզումային ճամբարի են մասնակցում Ավստրիայում

Ավստրիայի Միտերսիլ քաղաքում ընթանում է Եվրոպայի ձյուդոյի միության «Դեպի ոսկին» օիլիմպիական մարզումային ճամբարը: Այն տեւելու է մինչեւ հունվարի 16-ը:

Հունվարի 14-15-ը նույն քաղաքում կայանալու է մարզչական ու մրցավարական սեմինար, որի ընթացքում ներկայացվելու են 2019 թվականին նախատեսվող փոփոխությունները:

Հայ ձյուդոյիստներից  ճամբարին մասնակցում են մինչեւ 73 կգ քաշային Ֆերդինանդ Կարապետյանը, 90 կգ քաշային Արսեն Խանջյանը, մեծահասակների հավաքականի գլխավոր մարզիչ Արմեն Նազարյանը ու գլխավոր քարտուղար Թաթուլ Հովհաննիսյանը: