«Փյունիկ»-ը Հայաստանի առաջնությունում հաղթել է ու ամրապնդել առաջատարի դիրքերը

Կայացել է Հայաստանի ֆուտբոլի առաջնության 9-րդ տուրի եւս երկու հանդիպում:

«Փյունիկ»-ը Գյումրիի քաղաքային մարզադաշտում հանդիպել է «Շիրակ»-ի հետ ու առավելության հասել նվազագույն հաշվով: Հանդիպման միակ գոլը 5-րդ րոպեին խփել է Խոսե Էնրիկե Կառաբալյո Ռոսալը:

«Արարատ-Արմենիա»-ն 3:1 հաշվով ուժեղ է եղել «Ալաշկերտ»-ից: Հաղթող թիմի գոլերի հեղինակները Նիկոլայ Կիպիանին, Մոհամեդ Լամին Յատարան ու Տենտոն Յեննեն են: «Ալաշկերտ»-ի միակ գոլն ավելացված ժամանակում խփել է Կարեն Նալբանդյանը:

Առաջնության մրցաշարային աղյուսակը 23 միավորով շարունակում է գլխավորել  «Փյունիկ»-ը, «Ալաշկերտ»-ն ունի 4 միավոր պակաս:

Այսօր կայանալու է 9-րդ տուրի վերջին խաղը, «Վեստ Արմենիա»-ն ընդունելու է «Նոա»-ին: