Հայաստանի ֆուտբոլի հավաքականի պաշտպան Վարազդատ Հարոյանը համոզված է, որ վաղը Ջիբրալթարի հետ խաղում իրենք մեծ նվիրումով են խաղադաշտ դուրս գալու:
Ազգերի Լիգայում Հայաստանի հավաքականը վաղը սեփական հարկի տակ ուժերն է չափելու Ջիբրալթարի հետ:
«Ուսումնասիրել ենք Ջիբրալթարի հավաքականը եւ կենտրոնացած պետք է խաղանք, քանի որ նման թիմերի դեմ միշտ դժվար հանդիպումներ են լինում: Առաջին խաղից հետո կմտածենք Մակեդոնիայի մասին: Պարտավոր ենք այս երկու հանդիպումներում երեքական միավոր վաստակել»,-նշել է ֆուտբոլիստը:
Հարոյանն ասել է, որ իրենք ուրախ ենք, որ Յուրա Մովսիսյանը վերադարձել է ու կրկին մարզվում է իրենց հետ. «Նա շատ լավ ֆուտբոլիստ է: Կապ չունի, որ երկար ժամանակ հավաքականում չի խաղացել»:
Նա նաեւ խոստովանել է, որ մարզչի փոփոխության հետ կապված ազդեցություն չկա եւ ամեն ինչ լավ է թիմում:
«Մոռացել ենք Մակեդոնիայից կրած պարտությունը, դուրս ենք գալու դաշտ հաղթանակի հետեւից»,-ավելացրել է նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: