Հայտնի են բռնցքամարտի ԵԱ-ի եզրափակիչներում հայ մարզիկների մրցակիցները

Բելգրադում ավարտին է մոտենում բռնցքամարտի Եվրոպայի առաջնությունը։

Հայաստանի հավաքականից եզրափակիչ անցել է երկու ներկայացուցիչ՝ Բարեղամ Հարությունյանը (48 կգ) եւ Նարեկ Մանասյանը (92 կգ)։ Նրանք երկուսն էլ մենամարտելու են Ռուսաստանը ներկայացնող բռնցքամարտիկների դեմ։

Հարությունյանը հանդիպելու է Էդմոն Խուդոյանին, իսկ Մանասյանը՝ Մուսլիմ Հաջիմագոմեդովին։ Մենամարտերը կայանալու են ապրիլի 28-ին ու կմեկնարկեն Երեւանի ժամանակով 19։00-ին։

Ավելի վաղ բրոնզե մեդալակիրներ էին դարձել Անուշ Գրիգորյանը (50 կգ), Անի Հովսեփյանը (70 կգ), Արթուր Բազեյանը (57 կգ), Արթուր Սահակյանը (60 կգ) եւ Արարատ Հարությունյանը (67 կգ):