Նարեկ Մանասյանը դարձել է Եվրոպայի գավաթի հաղթող

Մոնտենեգրոյի Բուդվա քաղաքում ավարտված Եվրոպայի գավաթի թիմային պայքարում Հայաստանի բռնցքամարտի հավաքականը 3-րդ տեղն է զբաղեցրել։ Այն նվաճել է 1 ոսկե, 1 արծաթե եւ 4 բրոնզե մեդալ։

Մրցաշարում 1-ին տեղն է զբաղեցրել Նարեկ Մանասյանը (92 կգ), եզրափակչում նրա մրցակիցը՝ իտալացի Աբես Մոհուդինը վնասվածքի պատճառով չի ներկայացել, ու հաղթանակը շնորհվել է հայ բռնցքամարտիկին։ Արծաթե մեդալը նվաճել է Ռուդոլֆ Գարբոյանը (51 կգ)։

Եվրոպայի գավաթի բրոնզե մեդալակիրներ էլ դարձել են Բարեղամ Հարությունյանը (48 կգ), Ռուսլան Ասլիկյանը (54 կգ), Արթուր Բազեյանը (57 կգ) եւ Ռաֆայել Հովհաննիսյանը (86 կգ)։

Գավաթի հաղթողները ստացել են 15,000, 2-րդ տեղը զբաղեցնողները՝ 10,000,  3-րդը՝ 5000 դոլար պարգեւավճար։