Հոկտեմբերի 6-8-ը Վանաձորը կրկին հյուրընկալելու է Օլիմպիական խաղերի արծաթե մեդալակիր, Եվրոպայի չեմպիոն ու Աշխարհի Գավաթակիր Ստեփան Սարգսյանին նվիրված ազատ ոճի մրցաշարը:
Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը Mediamax Sport-ին ասել է, որ արդեն իրենց մասնակցությունը հաստատել են 7 երկրներ: Նրանք են Վրաստանը, Ուկրաինան, ԱՄՆ-ն, Իրանը, Գվատեմալան, Բուլղարիան, Ռուսաստանն էլ մի քանի թիմերով է մասնակցելու:
«Մասնակից երկրների թիվը դեռ կավելանա: Նախատեսում ենք մոտ 100 ըմբիշների մասնակցություն: Հայաստանը 40 ազատ ոճայիններ կներկայացնեն, կլինեն եւ հիմնական կազմի մարզիկները եւ խոստումնալից երիտասարդ ըմբիշները: Մրցաշարը բավական ուժեղ կազմ է հավաքելու»,- ասել է Բաղդադյանը:
Հիմա ըմբիշներն անհատական մարզումներ են անցկացնում իրենց անձնական մարզիչների հետ: Մրցաշարից հետո երիտասարդները կպատրաստվեն նոյեմբերին Լեհաստանում կայանալիք Մ-23 տ. Աշխարհի առաջնությանը, մեծահասակներն էլ հավաք կունենան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: